موعدنا الان مع تاني مخرج من الخمس مخارج
الي قمنا بذكرهم في الحلقة الماضيهالي هما
ايه؟
[center]ايوة زي ما بتقولوا
كده
1-الجوف الي قمنا بشرحه الحلقة السابقة
2- الحلق3-اللسان4- الشفاة 5-
الخيشوم
موعدنا مع تاني مخرج الي هو مخرج الحلق
احنا المرة الي فاتت قلنا ان المخرج
هو؟
هو مكان
خروج الحرف
وعرفنا
ايضا ان لو عايزين نعرف مخرج اي حرف بنعمل ايه؟
بنسكن الحرف ونسبقه بهمزة وصل
زي ما قلنا لو عايزين نعرف مخرج القاف
نسكن حرف القاف ونسبقه بهمزة وصل
يبقي اق انطقي وانتي تعرفي
انهارده هناخذ تاني مخرج وهو
الحلق
منطقة
الحلق يا جماعة بتنقسم الي ثلاث اقسام
1- اقصي الحلق الي بيكون اسفل الرقبة
2-
وسط الحلق الي بيكون وسط الرقبة تقريبا عند الحنجرة
3- ادني الحلق الي بيكون اول الرقبة اسفل
الذقن تقريبا
دلوقتي
كل منطقة من هذة المناطق تحتوي علي حروف خاصة بيها
1- اقصي
الحلق
بيحتوي علي حرفين هم
حرف( ء \ه)
الهمزة
والهاء
دلوقتي عايزة اعرف
مخرج حرف الهمزة اسكنها واسبقها بهمزة وصل فتصبح (اء)
انطقي كده وحطي ايدك اسفل الرقبة هتلاقي صوت خارج منه كتردد
كده
وهكذا بالنسبه لمخرج الهاء نسكن
حرف الهاء ونسبقه بهمزة وصل فيصبح (اه)
انطقي كده وحطي ايدك اسفل الرقبة هتلاقي ايضا صوت خارج منه
كتردد
مثال علي ذلك كلمة
أنعمت
لما تخرجي لي الهمزة الي في
كلمة أنعمت
تقولي الهمزة بتخرج من
اقصي الحلق وهكذا
يا رب تكون
مفهومة
2- وسط الحلق
بيحتوي علي حرفين هم حرف( ح \ع)
الحاء والعين
دلوقتي عايزين نعرف مخرج حرف الحاء اسكنها
واسبقها بهمزة وصل فتصبح (اح)
انطقي كده وحطي ايدك وسط الرقبة هتلاقي صوت
خارج منه كتردد يبقي ده مخرج حرف الحاء
وهكذا بالنسبه لمخرج العين نسكن حرف العين
ونسبقه بهمزة وصل فيصبح (اع)
انطقي وحطي ايدك في نفس المكان ايضا وسط
الرقبة هتلاقي ان ده مخرج حرف العين
مثال علي ذلك في كلمة أنعمت
ايضا
العين
هنا تخرج من وسط الحلق وهكذا
3- ادني
الحلق
بيحتوي علي حرفين هم حرف
(خ \غ)
الخاء
والغين
دلوقتي عايزين نعرف مخرج حرف
الخاء اسكنها زي ما عرفنا ونسبقها بهمزة وصل فتصبح (اخ)
انطقي كده وحطي ايدك اول الرقبه الي هي اسفل الذقن هتلاقي
ايضا صوت تردد خارج منها يبقي ده مخرج حرف الخاء
وهكذا بالنسبه لمخرج حرف الغين نسكن الحرف ونسبقة بهمزة وصل
فيصبح( اغ)
انطقي وحطي ايدك في نفس
المكان هتلاقي ان ده مخرج حرف الغين
وبكده يبقي انتهينا من تاني مخرج وهو مخرج الحلق وانتهينا
ايضا من حلقة درسنا
دلوقتي في صفحه
الواجب ما تقومي بعمله هو ان تخرجي ما تشائين من السور في جزء عم ويكفي سورة
واحده
وتخرجي منها حروف الجوف الي
اخذناه المرة الماضيه وحروف الحلق الي احنا اخذناه الان
ويا ريت كل اخت تختار سورة مختلفة عن ما اختارته
غيرها
وانا سيبت حرية الاختيار ليكم لان فى بنات قالت انها
اشتركت
وكتبت الواجب وفى كتير مش حلوا
فاللى معانا
يدخل ويحل
وده مثال كلمة
الغفار
هتخرجي ما اخذناه منها من
الاحكام
هتقولي حرف الغين بيخرج من
ادني الحلق
والالف المدية ساكنة قبلها
مفتوح تخرج من الجوف
هذا ما اخذناه في
هذة الكلمة
وبارك الله فيكم وانتظرونا
مع درسنا القادم